युनाइटेड, आर्सनल र लेस्टर एफए कपको चौथो चरणमा

युनाइटेड, आर्सनल र लेस्टर एफए कपको चौथो चरणमा

अनलाइन नेपाल
  • आइतबार, पुष २६ २०७७

  • 1.3K
    SHARES

  • युनाइटेड, आर्सनल र लेस्टर एफए कपको चौथो चरणमा

    काठमाडौं । प्रिमियर लिग क्लबहरु म्यानचेष्टर युनाइटेड, आर्सनल र लेस्टर सिटी एफए कप फुटबलको चौथो चरणमा प्रवेश गरेका छन् । शनिबार राति भएका खेलहरु जित्दै यी क्लब राउण्ड अफ ३२ मा पुगेका हुन् ।

    युनाइटेडले घरेलु मैदानमा वाटफोर्डलाई १-० ले हरायो । युनाइटेडको जितमा खेलको पाँचौ मिनेटमै स्कट म्याटोमिनेले गरेको गोल निर्णायक बन्यो ।

    यस्तै आर्सनलले न्यूकासल युनाइटेडलाई २-० ले हरायो । निर्धारित समयमको खेल गोलरहित बराबरी भएपछि अतिरिक्त समयमा दुई गोल गर्दै आर्सनलले खेल जितेको हो । ३० मिनेट थप गरिएको खेलमा बर्सनलका लागि एमिल स्मिथ रोवेले १०९औं र पिएरे एमरिक ओबामेयाङले ११७औं मिनेटमा गोल गरे ।

    उता लेस्टरले स्टोक सिटीलाई ४-० ले हरायो । लेस्टरका लागि जेम्स जस्टिनले ३४औं, मार्क अल्ब्रिङ्गटनले ६०औं, आयोज पेरेजले ७९औं र हार्भे बार्न्सले ८१औं मिनेटमा गोल गरे ।

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार