काठमाडौं । नेपाली कांग्रेसका सभापति शेरबहादुर देउवाले ‘निर्मला पन्तको बलात्कारी खै लेखिएको टिसर्ट लगाउँदा पक्राउ परेका युवाहरुलाई तत्काल रिहाइ गर्न माग गरेका छन् ।

आज प्रधानमन्त्री केपी शर्मा ओलीको प्रमुख आतिथ्यमा धनगढीमा आयोजित कार्यक्रममा प्रहरीले ‘निर्मला पन्तको बलात्कारी खै’ लेखिएको टिसर्ट लगाएका सात जनालाई पक्राउ गरेकको छ ।

प्रहरीले पक्राउ गरेका सात युवा रिहा गर्नुपर्ने शेरबहादुर देउवाले माग  गरेका छन् । न्यायको माग राखेर शान्तिपूर्ण प्रदर्शन गरेकालाई पक्राउ गर्नु लोकतान्त्रिक मुख्य मान्यता विपरीत रहेको देउवाले ट्विटर मार्फत् बिरोध गरेका छन् ।

धनगढीमा ‘निर्मला पन्तको बलात्कारी खै’ लेखिएको टिसर्ट लगाएर न्याय मागेका युवाहरुलाई प्रक्राउ गर्ने कार्य एकदम निन्दनिय छ।दोशीलाई कारबाहीको माग गर्दै शान्तिपूर्ण प्रदर्शन गरेका नागरिकलाई पक्राउ गर्नु लोकतान्त्रिक मुल्य/मान्यता विपरित हो। पक्राउ परेकालाई तत्काल रिहा गर्न माग गर्दछु! pic.twitter.com/JUbpf5mj5f

— Sher Bahadur Deuba (@SherBDeuba) January 8, 2021