काठमाडौं। प्रहरी महानिरीक्षक (आईजीपी ) शैलेश थापा क्षेत्रीले एसएसपीबाट बढुवा सिफारिस भएका डिआईजीहरुलाई दर्ज्यानी चिन्ह प्रदान गरेका छन्।
आईजीपी क्षेत्रीले प्रहरी प्रधान कार्यालयमा बिहीबार आयोजित एक समारोहबीच उनीहरुलाई दर्ज्यानी चिन्ह प्रदान गरेका हुन ।
गृह मन्त्रालयको पुस २२ गतेको निर्णय अनुसार एसएसपीबाट डिआईजी पदमा पदोन्नति भएका ९ जना वरिष्ठ प्रहरी अधिकृतहरु दर्ज्यानी चिन्हद्वारा सुशोभित भएका हुन ।
दर्ज्यानी चिन्हद्वारा सुशोभित हुने डिआईजीहरुमा गणेश बहादुर ऐर, पुरुषोत्तम कंडेल, राजेश कुमार लाल कर्ण, डा. देवबहादुर बोहरा, दिवेश लोहनी, राम कृपाल साह, उमेश रन्जितकार, प्रकाश अधिकारी र मुकुन्द राज आचार्य रहेका छन् ।
समारोहमा आईजीपी क्षेत्रीले पदोन्नति भएका डिआईजीहरुलाई बधाई दिँदै पदोन्नतिसँगै नेतृत्वदायी आचरण पनि फेरिनुपर्ने र प्राप्त जिम्मेवारीलाई नयाँ उर्जाकासाथ निर्वाह गर्न निर्देशन दिएका छन् ।
समारोहमा एआईजीहरु, डिआईजीहरु, एसएसपीहरु लगायत प्रहरी अधिकृत तथा प्रहरी जवानहरुको उपस्थिति रहेको थियो ।
Leave a Reply