काठमाडौं । संसघीय संसदकाे प्रतिनिधि सभा विघटनविरुद्धको सबै रिट बुधबार सुनुवाईकै क्रममा हेर्न नमिल्नेमा राखिएको छ ।

सुनुवाईकै क्रममा न्यायाधीश हरिकृष्ण कार्कीका सम्बन्धमा प्रश्न खडा भएपछि उनी इजलासबाट बाहिरिएका थिए । उनी बाहिरिएपछि उक्त मुद्दा ‘हेर्न नमिल्ने’मा पठाइएको छ ।

यसअघि उक्त मुद्दाको सुनुवाइ गर्न प्रधानन्यायाधीश चोलेन्द्रशमशेर राणाले आफ्नो नेतृत्वमा पाँच सदस्यीय इजलास गठन गरेका थिए ।

राणाले गठन गरेको इजलासमा यसअघि पुस १० गतेको इजलासमै भएका न्यायाधीशहरू छन् । संवैधानिक इजलासको रोष्टरमा भएका १४ जनामध्ये प्रधानन्यायाधीश राणाले न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसीलाई इजलासका लागि छानेका थिए ।

यसैबीच यस मुद्दामाथिको अर्को सुनुवाइ आउने पुस २९ गते बुधबार हुने भएको छ।