काठमाडौं । प्रधानमन्त्री केपी शर्मा ओलीले पश्चिम रुकुमको सोतीमा भएकाे ६ जनाको हत्यामा संलग्नलाई हदैसम्मको कारबाही हुने बताएका छन् ।

प्रधानमन्त्री निवास बलुवाटारमा पीडितहरूसँग भएकाे भेटमा प्रधानमन्त्रीले देषीलाई कारबाही गर्ने कुरामा सरकारले कसैसँग मोलाइजा नगर्ने बताए । भेटमा मृतक छ जनाकै अभिभावक उपस्थित थिए ।

गत १० जेठमा अन्तरजातीय बिहेको नाउँमा भएको उक्त घटनामा नवराज विक र उनका पाँच जना साथीको हत्या भएको थियो । उक्त मुद्दा अदालतमा विचाराधीन रहेको छ ।

हत्यामा संलग्न पक्राउ परेका ३४ जनामध्ये ६ जनालाई अदालतले थुनामुक्त गरेको छ । अन्य छ जनालाई छोड्ने विषयमा उच्च अदालत सुर्खेतमा मत बाझिएपछि सर्वोच्चसम्म आइपुगेको छ ।