काठमाडौं । माओवादी जनयुद्धका योद्धा तथा पहिलो संविधानसभाका सदस्य बालकृष्ण ढुंगेल पार्टी विभाजनपछि केपी ओली नेतृत्वको नेकपामा लागेका छन् ।

उनी रामवहादुर थापा बादल, टोपवहादुर रायमाझी र लेखराज भट्टको समूहबाट अहिले ओली पक्षमा पूर्व माओवादी पंक्तिको संख्या बढाउन क्रियाशील भएका छन् ।

ढुंगेल आफूमात्र होइन देशभरका पूर्व माओवादी लडाकुहरुको टिम बनाएर ओली पक्षमा खुलाउने दौडधूपमा खटिएका छन् ।

नेपाल कम्युनिष्ट पार्टी विभाजन भएपश्चात वर्षौंसम्म प्रचण्डलाइ साथ दिएका बालकृष्ण अब भने उनकाे साथ छाडेका छन्।

प्रचण्डले चालेका कदमलाई उनले संक्षिप्तमा बेठीक, अबैज्ञानिक र अराष्ट्रवादी भनेर टिप्पणी गरेका छन् ।

ढुंगेलले भने– प्रचण्डले लिएको पछिल्लो जति पनि घटनाक्रम छन्, ती बेठिक, अवैज्ञानिक र अराष्ट्रवादी छन् त्यसैले मैले उहाँको साथ छाडेँ ।

पार्टीको उच्च नेतृत्वमै रहेका रामबहादुर थापा, टोपबहादुर रायमाझी, मणि थापा, प्रभु साह, कमल चौलागाईलगायतले प्रचण्डको साथ छाडेर ओलीतिर लागेका छन् । यसै मेसोमा ढुंगेल पनि ओली पक्षतिरै लागेका हुन् ।

ढुंगेल नेकपा ओली पक्षले हालै विस्तार गरेको महाधिवेशन आयोजक कमिटीका सदस्य बनेका छन् ।

सर्वस्वसहित जन्मकैदको सजाय भोकेर सरकारको सिफारिसमा बाँकी कैद मिनाह पाइ छुटेका हुन् बालकृष्ण।