काठमाडौं । महानगरीय प्रहरी प्रभाग साँखुले बलात्कार गरेको आरोपमा एक जनालाई पक्राउ गरेको छ ।

पक्राउ पर्नेमा सिन्धुपाल्चोक मेलम्ची नगरपालिका २, हैबुङ घर भई काठमाडौंको शंखरापुर नगरपालिका ६, सलम्बुटार बस्ने ४६ वर्षीय भीमबहादुर सुनार रहेका प्रहरीले जनाएको छ ।

प्रहरीका अनुसार उनलाई काठमाडौंमा झारफुक गर्ने बहानामा ३९ वर्षीया महिलालाई बलात्कार गरेको आरोप छ ।

सुनारमाथि ती महिलालाई झारफुक गर्ने बहानामा बोलाई सलम्बुटारस्थित टहरोमा बलात्कार गरेका थिए ।

यसबारे थप अनुसन्धान भइरहेको प्रहरीले जनाएको छ।