काठमाडौं । प्रहरीको केन्द्रीय अनुसन्धान व्युरो(सिआईबी) ले सरकारी छाप र दस्तखत कीर्ते मुद्दाका फरार अभियुक्तलाई पक्राउ गरेको छ।

सरकारी छाप र दस्तखत कीर्ते मुद्दाका फरार अभियुक्त गोपालबहादुर थापालाई पक्राउ गरिएकाे सिआईबीले जनाएकाे छ ।थापालाई धुम्बाराहीमा लुकिछिपी बसेको अवस्थामा बिहीबार पक्राउ गरिएकाे हाे ।

श्रम तथा रोजगार प्रबर्द्धन विभागको छापा र दस्ताखत दुरुपयोग गरेको आरोपमा अदालतले २०७६ मंसिर ११ गते थापालाई १ वर्ष कैद र ३६ लाख रुपैयाँ जरिवाना फैसला गरेको थियो। थापा सर्वोच्चको फैसलापछि फरार रहँदै आएका थिए।

ब्युरोले सर्वोच्चको फैसला कार्यान्वयनका लागि थापालाई शुक्रबार काठमाडौं जिल्ला अदालतमा पेश गरिएको जनाएको छ।