काठमाडौं । सत्तारुढ नेपाल कम्युनिस्ट पार्टी (नेकपा) काे स्थायी कमिटी बैठक सुरु भएको छ।

प्रधानमन्त्री निवास बालुवाटारमा जारी बैठकमा प्रधानमन्त्रीसमेत रहेका पार्टी अध्यक्ष केपी शर्मा ओली पनि सहभागी रहेको नेकपा प्रवक्ता नारायणकाजी श्रेष्ठले जानकारी दिए।

बैठक बुधबार दिउँसो १ बजे सुरु हुने भनिए पनि पार्टीका दुई अध्यक्ष ओली र पुष्पकमल दाहाल प्रचण्ड ‘वान टु वान’ छलफलमा जुटेका थिए।

दुईबीच छलफल सकिएपछि निर्धारित समयभन्दा करिब तीन घण्टा ढिलो स्थायी समिती बैठक सुरु भएको हो।