काठमाडौं । प्रहरीले दुर्लभ बन्यजन्तु सालकको खपटासहित एक जनालाई पक्राउ गरेको छ ।

पक्राउ पर्नेमा धादिङ छत्रे देउराली-६ घर भएका सुबास भनिने सुजन तामाङ रहेका प्रहरीले जनाएकाे छ । महानगरीय प्रहरी परिसर काठमाडौंबाट खटिएको टोलीले उनलाई काठमाडौंको मित्रनगरबाट पक्राउ गरेकाे हाे ।

उनको साथबाट ३ फिट ६ इन्च लामो सालकको खपटा बरामद गरिएको महानगरीय प्रहरी परिसर काठमाडौंका प्रवक्ता (डिएसपी) प्रमेश विष्टले जानकारी दिए । उनलाई प्रहरीले ग्राहकको भेषका गएर पक्राउ गरेकाे थियाे ।

परिसरले थप अनुसन्धानका सुवासलाई लागी जिल्ला बन कार्यालय काठमाडौंको जिम्मा लगाएको छ ।