काठमाडौं । नेपाली कांग्रेसका सभापति शेरबहादुर देउवाले शीर्ष नेताहरुको बैठक बोलाएका छन् ।

सभापति देउवाले राष्ट्रपति विद्यादेवी भण्डारीले आज जारी गरेको संवैधानिक परिषद्सम्बन्धी अध्यादेशका विषयमा छलफल गर्न भाेलि शीर्ष नेताहरुको बैठक बोलाएका हुन् ।

देउवा निवास बुढानीलकण्ठमा बस्ने बैठकमा पार्टी पदाधिकारी र पूर्वपदाधिकारी सहभागी हुनेछन् ।

पार्टीको पदाधिकारी र पूर्वपदाधिकारीहरूको बैठकमा सरकारले मंगलबार जारी गरेको अध्यादेश र पार्टीले सोमबार आयोजना गरेको विरोध कार्यक्रमको समीक्षा हुने सहमहामन्त्री डा. प्रकाशशरण महतले जानकारी दिए ।