भक्तपुर । चोरीको मोटरसाइकलसहित ४ जनालाई प्रहरीले पक्राउ गरेको छ ।

पक्राउ पर्नेहरुमा दोलखा शैलुङ गाउँपालिका–२ घरभई सूर्यविनायक नगरपालिका–८ बस्ने २३ वर्षीय सोनाम वाइबा, १९ वर्षीय फुर्बा घिसिङ, १८ वर्षीय सञ्जिव तामाङ र सिन्धुपाल्चोक लिसंखुपाखर गाउँपालिका–२ घर भई मध्यपुर थिमि बस्ने २१ वर्षीय जीवन तामाङ छन् ।

महानगरीय प्रहरी वृत्त जगातीका अनुसार बिहीबार राति भक्तपुर नगरपालिका–४ राममन्दिर र चाँगुनारायण–९ ताथलीबाट मोटरसाइकल चोरीको सूचनाको आधारमा चोरीमा संलग्न ४ जना पक्राउ परेका हुन् ।

उनीहरुको साथबाट बा ८३ प ७७७३ नम्बर, प्रदेश ३–०२–००८ प ७५८५, र प्रदेश ३–०२–०१४ प ०५९४ नम्बर मोटरसाइकल बरामद गरिएको महानगरीय प्रहरी परिसर भक्तपुरका सूचना अधिकारी सुबास बुढाथोकीले बताए ।