काठमाडौं । भक्तपुरबाट काठमाडौं आउँदै गरेको कार दुर्घटना हुँदा १ जनाको मृत्यु भएको छ भने ३ जना घाइते भएका छन् । भक्तपुरको मध्यपुरथिमि नगरपालिका–३ कौशलटारमा उक्त कार दुर्घटना भएको हो ।

भक्तपुरबाट काठमाडौँतर्फ जाँदै गरेको बा८च ४७५६ नंको कार शनिबार राती १२ः४५ बजे कौशलटारको बीच सडकको फलामे रेलिङ भाँच्दै सडक छेउमा रहेको सिमेन्टको खम्बामा ठोकिएर पल्टिएको महानगरीय प्रहरी परिसर भक्तपुरले जानकारी दिएको छ।

सवारीसाधनको अवस्था हेर्दा दुर्घटना एकदमै भयानक र डरलाग्दो भएको प्रष्ट हुन्छ ।

दुर्घटनामा काठमाडौं महानगरपालिका–४ धुम्बाराही पिपलबोटकी ३० वर्षीया रिया श्रेष्ठको मृत्यु भएको परिसरका सूचना अधिकारी डीएसपी दीपक गिरीले जानकारी दिए ।

अचेत अवस्थामा उद्धार गरी मध्यपुर अस्पताल पुर्‍याइएकी उनलाई चिकित्सकले मृत घोषणा गरेको डीएसपी गिरीले बताए ।

दुर्घटनामा कार चालक मध्यपुर थिमि नगरपालिका–१ लोकन्थलीका २६ वर्षीय रञ्जित कार्की, वडानम्बर ५ राधेराधेका २६ वर्षीय विजय देउजा र भक्तपुरको सूर्यविनायक–४ गाम्चा का २७ वर्षीय सुदप थापा सामान्य घाइते भएका छन् ।

घटनापछि फरार रहेका कारका चालक कार्कीलाई प्रहरीले आज बिहान नियन्त्रणमा लिई अनुसन्धान अगाडि बढाएको छभने देउजा थापासँग पनि प्रहरीले घटनाबारे सोधपुछ गरिरहेको छ ।