बारा । बारामा उपमहानगरको नक्कली छाप र रसिद बनाएर कर उठाउने एक जना पक्राउ परेका छन्।

पक्राउ पर्नेमा वीरगन्ज महानगरपालिका–२ बस्ने ३५ वर्षीय अजय कुमार साह रहेका छन्।

जीतपुर सिमरा उपमहानगरपालिकाको छाप र रसिद नक्कली बनाएर साहले कर संकलन गरेका हुन्। प्रहरीले मंगलबार साहलाई पक्राउ गरेपछि उक्त तथ्य बाहिरिएको हो ।

मंसिर ७ गते जीतपुर सिमराको वडा नम्बर १६ स्थित बालगंगा खोलामा कर संकलन गरेका थिए । विशेष सूचनाका आधारमा खटिएको प्रहरीले कर संकलन गर्दै गरेको अवस्थामा फेला पारेको हो ।

साहलाई जिल्ला अदालत बाराबाट पाँचदिनको म्याद थप लिइ अनुसन्धान जारी राखेको बारा प्रहरीले जनाएको छ ।