काठमाडौं । सत्तारुढ दल नेपाल कम्युनिष्ट पार्टी (नेकपा) को सचिवालय बैठक बालुवाटारमा बसिरहेको छ । बैठक शुरु हुनु अघि प्रधानमन्त्री एवम् नेकपाका अध्यक्ष केपी शर्मा ओलीले महासचिव विष्णु पौडेललाई केक खुवाएका छन् ।

जन्मदिनको शुभकामना दिंदै पार्टी सचिवालयको बैठक शुरूभएको हो । प्रधानमन्त्री ओली, अर्का अध्यक्ष पुष्पकमल दाहाल ‘प्रचण्ड’ र उपप्रधानमन्त्री ईश्वर पोखरेलका साथै वरिष्ठ नेताहरूले केक खुवाएर महासचिव पौडेललाई जन्मदिनको शुभकामना व्यक्त गरेका छन् ।

पौडेललाई केक खुवाएर शुभकामना दिएका तस्विरहरु प्रधानमन्त्रीका प्रेस सल्लाहकार सूर्य थापाले सामाजिक सञ्जालमा पोष्ट गरेका छन् ।

उक्त अवसरमा पार्टी उपध्यक्ष वामदेव गौतमले १०० बर्ष बाँच्नुहोस् र राम्रो काम गरेर जानुहोला भन्दै पौडेललाई शुभकामना दिएका थिए । पौडेल आजबाट ६२ बर्षमा प्रवेश गरेका छन् ।