महेन्द्रनगर । कञ्चनपुरमा ट्रकको ठक्करबाट प्रहरी हवल्दारको मृत्यु भएकाे छ ।

पूर्व-पश्चिम राजमार्ग अन्तरगत बेदकोट नगरपालिका-१ चम्फापुरमा पश्चिम महेन्द्रनगर बजारबाट पूर्वतर्फ गइरहेको से १ च १४०६ नम्बरको ट्रकले लु १२ प ५१५ नम्बरको मोटरसाइकललाई ठक्कर दिँदा नेपाल प्रहरीमा कार्यरत प्रहरी हवल्दार राम बहादुर बिष्टको मृत्यु भएको हो ।

ट्रककाे ठक्करबाट प्रहरी हवल्दार बिष्टकाे घटनास्थलमै मृत्यु भएको जिल्ला प्रहरी कार्यालय कञ्चनपुरले जनाएको छ ।

शुक्लाफांटा नगरपालिकाको झलारीस्थित घरबाट कार्यरत प्रहरी चौकी दोधाराचादँनी झुलुङ्गे पुल जाने क्रममा आइतबार दिउँसो प्रहरी हवल्दार बिष्टलाई टक्कर दिएको हो ।

मोटरसाइकललाई ठक्कर दिने ट्रक र ट्रक चालकलाई नियन्त्रणमा लिइएको जिल्ला प्रहरी कार्यालय कञ्चनपुरका प्रवक्ता एवं प्रहरी नायव उपरीक्षक अमर बहादुर थापा क्षेत्रीले जानकारी दिए ।