काठमाडौं । महोत्तरीको बर्दिबास प्रहरीको गोली लागेर एक जनाको मृत्यु भएपछि गृह मन्त्रालयले छानविन समिति बनाएको छ ।

बालिका हत्याको विरोधमा भएको प्रदर्शनका क्रममा प्रहरीले गोली चलाउँदा गम्भीर घाइते भएका बुद्धिराज न्यौपानेको मृत्यु भएको थियो ।

मन्त्रालयले बालिका हत्याको अनुसन्धानमा कुनै कसर बाँकी नराख्ने र दोषीलाई कारबाहीको दायरामा ल्याउने प्रतिवद्धता जनाउँदै उपसचिवको नेतृत्वमा तीन सदस्यीय छानविन समिति गठन गरेको छ ।

प्रदर्शनका क्रममा प्रहरीले चलाएको गोली लागेर तीन जना गम्भीर घाइते भएका छन् ।

मन्त्रालयले बालिका गुलाब खातुन र न्यौपानेको परिरवारलाई राहत तथा क्षतिपूर्ति र घाइतेहरुको उपचार खर्च व्यहोर्ने प्रक्रिया अगाडि बढाइएको बताएको छ ।