चितवन । चितवनमा पूर्वयुवराज पारस शाहको छातीमा समस्या आएपछि अस्वस्थ भएका छन् ।

नारायणगढस्थित सेन्ट्रल पाम होटलमा मङ्गलबार साँझ भैरहवाबाट आएर बसेका शाहलाई बुधबार छातीमा समस्या देखिएको हो ।

पारस शाह आँफैले गाडी चलाएर चितवन आएका थिए।

शाह बिरामी भएपछि चितवन मेडिकल कलेजका मुटुरोग विशेषज्ञ डा.श्यामराज रेग्मीसहितको चिकित्सक टोलीले परीक्षण शुरु गरेको छ ।

होटेल स्रोतका अनुसार पारसलाई होटलमै इसिजी गर्न खोज्दा आफु आराम गर्ने भन्दै उनले अस्विकार गरेका छन् । उनको रगत परीक्षण गरिएको छ ।

‘उहाँको स्वास्थ्य परीक्षण गरेर इसिजीलगायत परीक्षणका लागि हामी अस्पताल आएका छौँ’, रेग्मीले भने, ‘उहाँको अवस्थाका बारेमा केही बेरपछि भन्न सकिन्छ।’

रेग्मीका अनुसार शाहमा मुटुसम्बन्धी पुरानै समस्या रहेको थियो । सोही समस्या बल्झिएको अनुमान चिकित्सकले गरेका छन् ।