नुवाकोट । जिल्ला प्रहरी कार्यालय नुवाकाेटले नेत्रविक्रम चन्द विप्लव समूहका तीन जनालाई पक्राउ गरेकाे छ ।

पक्राउ पर्नेमा सूर्य गढीगाउँपालिका-२ का ४१ वर्षीय रामकुमार अधिकारी, ककनी गाउँपालिका-३ का ४३ वर्षीय शम्भुप्रसाद ढुंगाना र ४५ वर्षीय विनोद ढुंगाना रहेका प्रहरीले जनाएको छ ।

प्रहरीका अनुसार विदुर नगरपालिका-४ बट्टार बजारमा शंकास्पद गतिविधि गरेर हिँड्डुल गरिरहेको अवस्थामा रामकुमार अधिकारी नियन्त्रण लिएर सोधपुछ र खानतलासी गर्दा चन्दा रसिद, पार्टीको पर्चा र अन्य कागजातसमेत बरामद भएको हाे।

पर्चा पम्प्लेट वितरण गरी गाउँमै लुकिछिपी बसेको अवस्थामा ढुंगानाद्वयलाई पक्राउ गरिएको जिल्ला प्रहरी कार्यालयका सूचना अधिकारी एवं डिएसपी हरिबहादुर वलीले बताए ।

उनीहरुलाई प्रहरीले आइतबार राति १ बजे विशेष टोली परिचालन गरी पक्राउ गरेको जनाएको छ । उनीहरुमाथि आवश्यक कारबाहीका लागि कानुनी प्रक्रिया अगाडि बढाइएको छ ।