काठमाडौं । भारत उत्तरप्रदेशको प्रतापगढ जिल्लामा विवाह समारोहमा सहभागी भएर आफ्नो गाउँ फर्किदै गरेको जीप गएराती दुर्घटना हुँदा ६ बालबालिकासहित १४ जनाको मृत्यु भएको छ ।

उक्त बोलेरो जीप प्रयागराज–लखनउ राजमार्गमा रोकिराखेको एक ट्रकमा पछाडिबाट ठोक्किएको प्रहरीले जनाएको छ ।

प्रहरीले चालक निदाएर दुर्घटना भएको अनुमान गरेको छ । दुर्घटनामा चालकको समेत मृत्यु भएको छ ।

प्रहरीका अनुसार मृतकहरुमध्ये १२ जना कुँडा कोतवालीको चौंसा जिरगापुर गाउँका हुन् ।