काठमाडौं । काठमाडौं उपत्यकामा थप ९ सय ७३ जना कोरोना संक्रमित थपिएका छन् ।

पछिल्लो २४ घण्टामा ४ सय २८ महिला र ५ सय ४५ पुरुष गरी ९ सय ७३ जनामा काेराेना भाइरसकाे संक्रमण देखिएकाे स्वास्थ्य तथा जनसंख्या मन्त्रालयले जनाएको छ ।

काठमाडौंमा ७ सय ६४ भक्तपुरमा ८३ र ललितपुरमा १ सय २६ जना नयाँ संक्रमित थपिएका हुन् ।

यस्तै नेपालमा आज थप १ हजार ९१३ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ४ हजार २४२ पुगेको स्वास्थ्य तथा जनसंख्या मन्त्रालयले जनाएको छ ।

यस्तै बितेको २४ घण्टामा २ हजार ३४९ जना कोरोना भाइरस संक्रमण मुक्त भएका छन् ।

योसँगै हालसम्म निको हुनेको कुल संख्या १ लाख ६४ हजार ५९२ पुगेको छ । यसैगरी आजसम्म देशभर सक्रिय संक्रमितको संख्या ३८ हजार ४६१ रहेको छ ।