एजेन्सी । नार्कोटिक्स कन्ट्रोल ब्युरो (एनसिबी) ले बलिउड अभिनेता अर्जुन राजपालको घर छापा मारेकाे छ । एनसिबीले सोमबार राजपालको घरमा छापा मारेको हो । राजपालको ड्राइभरबाट एनसिबीका प्रतिनिधिले लागुऔषध बरामद गरेको जनाएको छ ।

यसअघि पनि बलिउडमा लागुऔषध कारोबार र प्रयोगकर्तासम्बन्धी विषय आउँदा अर्जुन राजपालको नाम आउने गर्थ्यो । लागुऔषध राखेको र किनबेच गरेको आरोपमा राजपालकी गर्लफ्रेन्ड ग्रैब्रियला डिमेट्रिएड्सका भाइ अगिसियालोसलाई नियन्त्रणमा लिएको छ ।

यसबाहेक एनसिबीले धर्मा प्रोडक्सनका पूर्वकार्यकारी निर्देशक क्षितिज प्रसादलाई पनि नियन्त्रणमा लिएको छ । एनसिबीले आइतबार मात्र फिल्म निर्माता फिरोज नाडियावालाको मुम्बई जुहुस्थित घरबाट गाँजा बरामद गरेको थियो । त्यसपछि नाडियावालाकी पत्नीलाई नियन्त्रणमा लिएको थियो ।