मुम्बई । आदित्य नारायण झाको विवाहको तयारी सुरु भएको छ ।

केही दिन अगाडि प्रेमीका श्वेता अग्रवालसँग विवाह गर्ने बताएका आदित्यको घरमा विवाहको तयारी समेत सुरु भएको हाे ।

जसको अनुमान उनले अहिले सार्वजनिक गरेको तस्बिरबाट लगाउन सकिन्छ ।

अहिले आदित्यको रोका सेरेमनीको तस्बिर बाहिर आएको छ । तस्बिरमा आदित्य तथा श्वेता दुबै तर्फका परिवार सदस्य एकसाथ देखिएका छन् । गत मंगलबार मात्र आदित्यले आफ्नो इस्टाग्राममा विवाहको घोषणा गर्दै श्वेतासँगको तस्बिर सार्वजनिक गरेका थिए ।

तस्बिरमा आदित्यले ग्रे शर्ट र डेनिम लगाएको देख्न सकिन्छ । श्वेता भने पिङ्क सलवार सुटमा निकै सुन्दर देखिएकी छन् । तस्बिरमा आदित्य र श्वेता एकसाथ सगुन समेत लिएर बसेको देख्न सकिन्छ । तस्बिर सोशल मिडियामा भाइरल भैरहेका छन् ।