विराटनगर । प्रहरीले प्रतिबन्धित पटकासहित ३ जनालाई पक्राउ गरेको छ ।

सुनसरीको ईटहरी उप-महानगरपालिका-८ मा रहेको एक किराना पसलबाट ३३ बण्डल विभिन्न किसिमका पटकासहित ईटहरी उप-महानगरपालिका-११ का २५ वर्षीय प्यारचन्द चौधरी, २३ वर्षीय गणेश चौधरी र किराना पसल सञ्चालक ताहिर मियालाई पक्राउ गरिएकाे प्रहरीले जनाएकाे छ ।

१ नम्बर प्रदेश प्रहरी कार्यालय विराटनगरका अनुसार मियाको किराना पसलबाट प्रतिबन्धित विष्फोटक पदार्थ पटकाहरु भण्डारण, ओसार-पसार तथा बिक्री भइरहेको भन्ने गोप्य सूचनाको आधारमा ईलाका प्रहरी कार्यालय ईटहरीबाट खटिएको प्रहरी टोलीले बुधवार दिउँसो पक्राउ गरेको हो ।

पटकासहित पक्राउ परेकाहरुलाई ईलाका प्रहरी कार्यालय ईटहरीमा राखी कानुनी कारबाही अगाडी बढाइएको इलाका प्रहरी कार्यालय इटहरीले जनाएको छ।