वासिङटन । अमेरिकी चुनाव जितेको दावी गर्दै राष्ट्रपति डोनल्ड ट्रम्पले प्रतिष्पर्धी जो बाइडेनलाई ‘ठग’को आरोप लगाएका छन् ।

यस्तै ट्रम्पले मत गणनामा विवादका कारण त्यसविरुद्ध आफू सर्वोच्च अदालतमा जाने चेतावनी दिएका छन् ।

‘हामी ठ्याक्कै जित नजिक थियौँ, खासमा हामीले पहिल्यै जितिसकेका थियौँ,’ ट्रम्पले भनेका छन् । ट्रम्पले ह्वाइटहाउसबाट रातको साढे २ बजे असाधारण भनिएको भाषणमा यस्तो बताएका हुन् ।अमेरिकामा जारी चुनावमा रिपब्लिकन पार्टीका तर्फबाट डोनल्ड ट्रम्प र डेमोक्रेटका तर्फबाट जो बाइडेनबीच कडा प्रतिष्पर्धा भएको छ ।