सुनसरी । जिल्ला प्रहरी कार्यालयले श्रीमतीकाे हत्या गरेको आरोपमा एक व्यक्तिलाई पक्राउ गरेकाे छ ।

पक्राउ पर्नेमा धरान उपमहानगरपालिका-१५ का ४२ वर्षीय गोपाल मगर रहेका प्रहरीले जनाएकाे छ ।

प्रहरीका अनुसार गोपालले ३२ वर्षीया श्रीमती छाया थापा मगरको कुटपिट गरी हत्या गरेका थिए ।

गोपालको कुटपिटबाट गम्भीर घाइते भएकी छायाको धरान घोपा अस्पतालमा उपचारको क्रममा मृत्यु भएको प्रहरीले जनाएको छ ।

गोपाललाई पक्राउ गरी घटनाबारे थप अनुसन्धान भइरहेको प्रहरीको भनाइ छ ।