एजेन्सी । बलिउड तथा साउथ चलचित्रकी सफल नायिका काजल अग्रवाल वैवाहिक जीवनमा बाँधिएकी छिन् ।

उनले, शनिबार आफ्ना प्रेमी गौतम किचलुसँग बिबाह गरेकी हुन् । उनीहरुले मुम्बइको एक होटलमा बिहे गरेका थिए । बिहेपछि काजल आफैले सामाजिक संजालमा बैबाहिक समारोहका तस्वीर शेयर गरिरहेकी छिन् ।

बिहेमा काजलले ब्राइड रेड लेहेंगा लगाएकी थिइन् । बिहे भन्दा अगाडि संगीत सेरेमोनीको आयोजना गरिएको थियो, जहाँ काजलसँग गौतमका साथीहरुले नृत्य प्रस्तुत गरेका थिए । बिहेपछि गौतम र काजल मुम्बइमा रहेको नयाँ घरमा सिफ्ट हुने तयारीमा छन् ।

कोभिड संक्रमणको दर बढिरहेका कारण पनि काजलले बैबाहिक समारोहका सिमित मानिसहरुलाई मात्र निमन्त्रणा गरेकी थिइन् । साउथ चलचित्रकी सफल नायिका काजलले चलचित्र ‘सिंघम’मा नायक अजय देवगणसँग काम गरेपछि उनको चर्चा बलिउडमा पनि सुरु भएको थियो ।