एजेन्सी। ग्रीस र टर्कीमा हिजो गएको गएको शक्तिशाली भूकम्पमा हालसम्म २२ जनाको मृत्यु भएको छ।

टर्कीको इजमिर प्रान्तमा गएको ७.० म्याग्निच्युडको भूकम्पको कम्पन एथेन्स र इस्तानबुलसम्म महसुस गरिएको थियो । उक्त भूकम्प ग्रीसको क्रेटेमा समेत प्रभाव पारेको बीबीसीले जनाएकाे छ ।

भूकम्पमा परि २० जनाको मृत्यु भएको छ भने ७८६ जना घाइते भएका छन्। ग्रीसको सामोसमा भने दुईजनाको मृत्यु भएको छ। भूकम्प र त्यसपछि परकम्पहरुका कारण इजमिर र सामोसमा मध्यम खालको सुनामी आएको छ।

भूकम्पबाट प्रभावित दुवै शहरमा बाढीले समेत जनजीवन प्रभावित पारेको छ।

दुवै शहरमा धेरै भवनहरु भत्किएका छन्। भवनमा फसिरहेकाहरुको उद्धारकार्य जारी रहेको छ।भूकम्पका कारण इजमिर प्रान्तमा भवनहरु भत्किएका तस्विरहरु सार्वजनिक भएका छन् ।