एजेन्सी। चीनले सीमा क्षेत्रहरुमा लामो गतिरोध देखिरहेको बताएको छ। चीनले पीपुल्स लिबरेशन आर्मी (पीएलए) का जवानहरूको लागि सिमानाको उचाईमा उच्च-टेकको  तयारी गरेको बताएको छ।

हिन्दुस्तान टाइम्सले लेखेको छ – चिनियाँ रक्षा मन्त्रालयका प्रवक्ता कर्नल वु चियानले बिहीबार सीमानामा तैनाथ सैनिकहरूको नयाँ सुबिधा र बन्दोबस्तीका लागि जानकारी दिए पनि भारतको नाम भने लिएनन् ।

यद्यपि यो स्पष्ट हुन्छ,  पूर्वी लद्दाखमा दुई देशहरूबीच चलिरहेको गतिरोधका कारण यो शैली अपनाइएको हो ।

चीनको सत्तारुढ कम्युनिस्ट पार्टी अफ चाइना (सीपीसी) ले सीमा क्षेत्रहरुमा लामो गतिरोध देखिरहेको बताएको छ। वूले भने, ‘हालसालै केन्द्रीय सैन्य आयोग (चीनको शीर्ष सेना) राष्ट्रपति सि जिनपिंगको नेतृत्वमा लजिस्टिक सपोर्ट डिपार्ट्मेन्ट  र अन्य सम्बन्धित विभागहरूले केही नयाँ सुधार गरेका छन् र हाइटेक दृष्टिकोण अपनाएका छन् ।

हाइटेकले उच्च पठार र हिमाली वातावरणमा तैनाथ अधिकारी र जवानहरूको जीवन र प्रशिक्षण अवस्थालाई जनाउँछ।

वूले भने, ‘सैनिकहरुलाई बस्नको लागि एक स्वचालित शक्तिले भरिएको आश्रय प्रदान गरिएको छ, जुन तातो हुनेछ, यो अफिसर र सैनिकहरूले आफैंले बनाउन सक्छन् र यो ऊर्जाको हिसाबले आत्मनिर्भर छ।

‘बाहिरी तापक्रम माइनस ४० डिग्री सेल्सियस र उचाई ५००० मिटरभन्दा बढी रहेको क्षेत्रहरूमा यी आश्रयस्थलको तापक्रम १५ डिग्री सेल्सियसभन्दा माथि ग्यारेन्टी गर्न सकिन्छ,’ वुले भने।

यस बाहेक, सेनाका प्रवक्ताले  नयाँ सुत्ने झोला, चिसो-जुत्ता पनि सिपाहीहरूका लागि बनेको उल्लेख गरे । साथै, खाद्यान्न भण्डारणको लागि नयाँ थर्मल इन्सुलेशन उपकरण र नयाँ प्रकारको तत्काल खाद्यान्नहरू धेरै चिसो पहाडी क्षेत्रहरूको लागि परीक्षण भइरहेको वताइएको छ ।

भारत र अमेरिकाबीच २ + २ बैठकको दौरान अमेरिकाले मंगलबार भारतलाई सारा विश्वले चीनसँग आमनेसामने हेरिरहेको र भारतले कुनै प्रकारको चीनको विस्तारवादी एजेन्डामा नडराउन आग्रह गरेको थियो ।

अमेरिकी विदेश सचिव माइक पोम्पीओले भारतीय समकक्षी एस. जयशंकर र रक्षामन्त्री राजनाथ सिंहसँग यो कुराको उल्लेख गरेका थिए ।

बैठकमा अमेरिकी रक्षामन्त्री मार्क एस्पर पनि उपस्थित थिए। लद्दाखमा वास्तविक नियन्त्रण रेखामा चीनसँग चलिरहेको गतिरोधको बारेमा अमेरिकाले भारतसँग एकता देखाएको थियो र अमेरिकी पक्ष पनि यस विषयमा सचेत रहेको बताएको थियो।

चीनले भने अमेरिकालाई दुई देशको मामिलामा हस्तक्षेप नगर्न आग्रह गरेको छ।

चिनियाँ विदेश मन्त्रालयले  भारतसँगको सीमा तनावमा वार्ता राम्रो दिशामा गएको र कुनै पनि तेस्रो पक्षको लागि यसमा कुनै अवसर नभएको प्रस्ट पारेको थियो ।