काठमाडौं । पछिल्लो २४ घण्टामा बिहीबार थप २ हजार ३ सय ६४ जनामा कोरोना संक्रमण पुष्टि हुँदा ३ हजार ३८ जनाले कोरोनालाई जितेका छन् ।

स्वास्थ्य तथा जनसंख्या मन्त्रालयका अनुसार ९ हजार ७ सय ६९ जनाको पीसीआर परीक्षण गर्दा १ हजार ३ सय ८० जना पुरुष र ९ सय ८४ महिला गरी २ हजार ३ सय ६४ जनामा संक्रमण पुष्टि भएको हो ।

योसँगै नेपालमा हालसम्म कोरोना संक्रमितको संख्या १ लाख ६४ हजार ७ सय १८ पुगेको छ भने निको हुनेको संख्या १ लाख २४ हजार ८ सय ६२ पुगेको छ ।

देशभरी सक्रिय संक्रमितको संख्या हालसम्म ३८ हजार ९ सय ५२ छ । मन्त्रालयका अनुसार हालसम्म पीसीआर विधिबाट १४ लाख १९ हजार ६४ परीक्षणहरु गरिएका छन् ।

त्यसैगरी हालसम्म क्वारेन्टाइनमा रहनेको संख्या २ हजार ६८९ जना रहेका छन् ।