काठमाडौं । संघीय सरकारले कोरोना संक्रमितको परीक्षण र उपचार गर्न नसक्ने भन्दै मूल्य सूची नै तयार पारेको जानकारी गराएका बेला कर्णाली प्रदेशले भने निशुल्क उपचार गर्ने भएको छ ।

कर्णाली प्रदेश सरकारले लक्षणसहितका कोरोना संक्रमितको परीक्षण तथा उपचार निस्शुल्क गर्ने निर्णय गरेको छ । शनिबार बसेको मन्त्रिपरिषद् बैठकले यस्तो निर्णय गरेको हो ।

कर्णाली प्रदेशमा शुक्रबारसम्म ८६ हजार ३ सय ५ जनाको पीसीआर परीक्षण भएकोमा ५ हजार ७ सय ३५ जनामा कोरोना पुष्टि भएको छ । सामाजिक विकास मन्त्रालयका अनुसार अहिले १ हजार १ सय ८७ जना संक्रमित आइसोलेसनमा बसिरहेका छन् भने कोरोनाबाट १५ जनाको मृत्यु भएको छ ।