काठमाडौं । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले देश विकास तथा समृद्धिका लागि जाति, भाषा, धर्म, संस्कृति र सभ्यताहरुको संरक्षण गर्नुपर्ने बताएका छन् ।

दसैँ, तिहार, छठ, नेपाल संवत् लगायतका चाडपर्वहरुको अवसरमा शुभकामना सन्देश व्यक्त गर्दै पूर्वप्रधानमन्त्री समेत रहेका अध्यक्ष प्रचण्डले ‘विविधतायुक्त सांस्कृतिक ऐक्यवद्धता हामी नेपालीहरुको मौलिक विशेषता भएकाे बताएका हुन् ।

सबै जाति, भाषा, धर्म, संस्कृति र सभ्यताहरुको संरक्षण र विकास देशको समृद्धिका आधारहरु हुन्,’ उनले शुभकामना सन्देशमा भनेका छन्।

यस्तै कोरोना भाइरसको महामारीको विषम परिस्थितिमा स्वास्थ्य सुरक्षाका सबै प्रकारका मापदण्डहरुको पालना गर्दै चाडपर्व मनाउन पनि उनले आग्रह गरेका छन्।