काठमाडाैं । काठमाडाैं उपत्यकामा शुक्रबार थप २ हजार ७२० जनामा काेराेना भाइरसकाे संक्रमण पुष्टि भएकाे छ ।

जसमध्ये १ हजार ९२ जना महिला र १ हजार ६२८ जना पुरुष रहेका स्वास्थ्य तथा जनसंख्या मन्त्रालयले जनाएकाे छ ।

यस्तै नेपालमा आज शुक्रबार थप ४ हजार ४९९ जनामा काेराेना भाइरस संक्रमण पुष्टि भएको छ ।

याेसँगै नेपालमा काेराेना संक्रमितको कुल संख्या १ लाख ५३ हजार ८ पुगेको स्वास्थ्य तथा जनसंख्या मन्त्रालयले जनाएकाे छ ।

यस्तै बितेको २४ घण्टामा २ हजार ६६८ जना काेराेना भाइरसकाे संक्रमण मुक्त भएका छन् । याेसँगै हालसम्म निको हुनेको कुल संख्या १ लाख ५ हजार ४८८ पुगेको छ ।

यसैगरी आजसम्म देशभर सक्रिय संक्रमितको संख्या ४६ हजार ६९१ रहेको छ ।