काठमाडौं । नेपालमा आज थप ४ हजार ४९९ जनामा काेराेना भाइरस संक्रमण पुष्टि भएको छ ।

याेसँगै नेपालमा काेराेना संक्रमितको कुल संख्या १ लाख ५३ हजार ८ पुगेको स्वास्थ्य तथा जनसंख्या मन्त्रालयले जनाएकाे छ ।

आजकाे नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर थप थप ४ हजार ४९९ जनामा काेराेना भाइरसकाे संक्रमण पुष्टि भएकाे जानकारी दिए ।

यस्तै बितेको २४ घण्टामा २ हजार ६६८ जना काेराेना भाइरसकाे संक्रमण मुक्त भएका छन् ।

याेसँगै हालसम्म निको हुनेको कुल संख्या १ लाख ५ हजार ४८८ पुगेको छ । यसैगरी आजसम्म देशभर सक्रिय संक्रमितको संख्या ४६ हजार ६९१ रहेको छ ।

यस्तै पछिल्लो २४ घण्टामा थप १७ जनाको मृत्यु भएको छ । याेसँगै देशभर कोरोना भाइरसकाे संक्रमणबाट मृत्यु हुनेको कुल संख्या ८२९ पुगेको छ।

हिजाे बिहीबार ३ हजार ६३७ जनामा काेराेना भाइरसकाे संक्रमण पुष्टि भएकाे थियाे ।