आइपिएल : सानदार जितसँगै बेंगलोर दोस्रो स्थानमा::Best Online News Portal of Nepal

आइपिएल : सानदार जितसँगै बेंगलोर दोस्रो स्थानमा

आइपिएल : सानदार जितसँगै बेंगलोर दोस्रो स्थानमा

अनलाइन नेपाल
  • बिहिबार, कार्तिक ६ २०७७

  • 2.6K
    SHARES

  • आइपिएल : सानदार जितसँगै बेंगलोर दोस्रो स्थानमा

    एजेन्सी– इन्डियन प्रिमियर लिग (आइपिएल) मा रोयल च्यालेन्जर्स बेंगलोरले कोलकाता नाइट राइडर्समाथि सहज जित निकालेको छ । बुधबार राती सम्पन्न आइपिएलको को ३९ औं खेलमा कोलकातालाई ८ विकेटले पराजित गर्दै बेंगलोर आइपिएलको अंक तालिकामा दोस्रो स्थानमा उक्लिएको छ । जितका लागि ८५ रनको सामान्य लक्ष्य पछ्याएको बेंगलोरले १३.३ ओभरमा २ विकेटको क्षतिमा पूरा गर्यो ।

    बेंगलोरको जितमा कप्तान विराट कोहली १८ र गुरक्रित सिंहमान २१ रनमा अविजित रहे । गुरक्रित सिंहमानले २६ बलमा ४ चौका प्रहार गरे । कोहलीले १७ बलमा २ चौका प्रहार गरे ।

    ओपनर देवदत्त पाडिक्कल र आरोन फिन्चले ६.२ ओभरमा ४६ रनको साझेदारी गरेका थिए । लोकी फर्गुसनले विकेटकिपर दिनेश कार्तिकबाट फिन्चलाई १६ रनमा क्याच आउट गराए । फिन्चले २१ बलमा २ चौका प्रहार गरे । दुई बल पछि पाडिक्कल २५ रनमा रन आउट हुन पुगे । पाडिक्कले १७ बलमा ३ चौका प्रहार गरे । कोलकाता लोकी फर्गुसनले एक विकेट लिए ।

    त्यसअघि शेख जायद स्टेडियम आबूधाबीमा टस जितेर पहिला ब्याटिङ रोजेको कोलकाताले २० ओभरमा ८ विकेटको क्षतिमा ८४ रन बनाएको थियो । कोलकाता कप्तान ओइन मोर्गनले ३४ बलमा ३ चौका र १ छक्का सहित सर्वाधिक ३० रनको योगदान दिए ।

    कोलकाताले सुरुवात देखिनै खराब प्रर्दशन गरेको थियो । तीव्र गतिका बलर मोहम्मद शिराजले दोस्रो ओभरको तेस्रो बलमा विकेटकिपर एबी डि भिलियर्सबाट ओपनर राहुल त्रिपाठीलाई एक रनमा क्याच आउट गराए । लगत्तै अर्को बलमा नितेश राणा शून्यमा बोल्ड आउट हुन पुगे ।

    नवदीप सैनीको तेस्रो ओभरको दोस्रो बलमा ठूलो सट खेल्ने धुनमा सुभमन गिल टप एज लागेर मिडविकेटमा एक रनमा क्रिस मोरिसबाट समातिन पुग्दा कोलकाता ३(३ को कमजोर अवस्थामा पुगेको थियो । गिल दबाबमा सम्हालिन नसक्दा उक्त सट खेलेका थिए । सस्तैमा तीन विकेट गुमाएको कोलकाता मध्यक्रमका ब्याट्सम्यान पनि धेरै समय मैदानमा बिताउन सकेनन् ।

    शिराजकोनै चौथो ओभरको तेस्रो बलमा टम ब्यान्टन एज लाग्दै डि भिलियर्सबाट १० रनमा क्याच आउट भएपछि कोलकाता १४(४ को कमजोर अवस्थामा पुगेको थियो । ब्यान्टनले ८ बलमा १ चौका र १ छक्का प्रहार गरे । शिराजले दुबै ओभर विकेटमेडन राखेका थिए । जुन आइपिएल इतिहासमा एकै खेलमा दुई मेडन राख्ने शिराज पहिलो बलर बनेका छन् ।

    नवौं ओभरको चौथो बलमा युजभेन्द्र चहलले दीनेश कार्तिकलाई चार रनमा एलबीडब्लू आउट गरे । सुरुवातमा चहलको आग्रहलाई एम्पायरले नमानेपनी कप्तान विराट कोहलीले रिभ्यु लिदै कार्तिकलाई पेभेलियन फर्काए । कार्तिकले १४ बलको सामना गरेका थिए । १३ औं ओभरको तेस्रो बलमा चहलले प्याट कमिन्सलाई ४ रनमा देबदत्त पडिक्कलबाट क्याच आउट गराए ।

    कमिन्सले १७ बल खेलेका थिए । स्पिनर वासिन्टन सुन्दरको १६ औं ओभरको चौथो बलमा ठूलो सट खेल्ने धुनमा मोर्गन गुरक्रित मानसिंहबाट क्याच आउट हुन पुगेका थिए । लोकी फर्गुसन १६ बलमा १ चौका सहित १९ रनमा अविजित रहे । कुलदीप यादव १२ रनमा रन आउट भएका थिए ।

    मोहम्मद शिराजले ४ ओभरमा २ मेडन सहित ८ रन खर्चेर ३ विकेट लिए । युजभेन्द्र चहलले ४ ओभरमा १५ रन खर्चेर २ विकेट लिए । वासिन्टन सुन्दरले ४ ओभरमा १ मेडन सहित १४ रन खर्चेर १ विकेट लिए । नवदीप सैनीको नाममा एक विकेट रह्यो । बेंगलोरले आइतबार चेन्नई सुपरकिंग्ससँग खेल्ने छ । कोलकाताले शनिबार दिल्ली क्यापिटल्ससँग प्रतिस्पर्धा गर्ने छ ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार