काठमाडाैँ । काठमाडौंमा रहेको काठमाडौं मेडिकल कलेज (केएमसी)को तेस्रो तलाबाट हाम फालेका युवकको मृत्यु भएको छ । ती युवाले आज बिहान अस्पतालको तेस्रो तलाबाट हाम फालेका थिए ।

सोलुखुम्बु घर भएका रोशन खड्काले अस्पतालको तेस्रो तलाबाट हाम फालेका हुन्। उनी नयाँ बानेश्वरमा डेरा गरी बस्ने युवा भएको प्रहरीले जनाएको छ ।

आइतबार मात्रै उनलाई अस्पताल भर्ना गरिएको थियो । आमा औषधि लिन गएको बेला उनी अस्पतालको तेस्रो तलाबाट हाम फालेका हुन्। महानगरीय प्रहरी वृत्त गौशालाका डीएसपी जितेन्द्र बस्नेतका अनुसार उनको आजै बिहान मृत्यु भएको हो ।