मुगु । अशक्त युवतीमाथि बलात्कारको प्रयास गरेको आरोपमा प्रहरीले एक जनालाई पक्राउ गरेको छ ।

मुगु मकार्मारोङ गाउँपालिकामा २४ वर्षीया युवतीमाथि बलात्कार प्रयास गरेकाे आरोपमा प्रहरीले छायानाथरारा नगरपालिकाका २३ वर्षीय युवकलाई पक्राउ गरेको हाे ।

बोल्न र हिँडडुल गर्न नसक्ने महिलामाथि ती युवकले शनिबार बलात्कारको प्रयास गरेको जिल्ला प्रहरी कार्यालयका सूचना अधिकारी भिमदत्त जोशीले बताए ।

पीडित परिवारले जाहेरी दिएपछि युवकलाई पक्राउ गरिएको जोशीले बताए । घटनाबारे थप अनुसन्धान भइरहेको प्रहरीले जनाएकाे छ ।