काठमाडौं । न्याय परिषद्ले ११४ न्यायाधीशको सरुवा र २९ न्यायाधीशको पदस्थापनका लागि सिफारिस गरेको छ ।

परिषद्को बुधवार बसेको बैठकले यस्तो निर्णय गरेको हो । सरुवा तथा पदस्थापन गर्ने तयारी यसअघि नै भएपनि कोरोना महामारीको कारण यो निर्णय हुन ढिलो भएको बताइएको छ ।

अहिले सरुवा हुने न्यायाधीशहरुले एउटै जिल्लामा २ वर्ष बिताइसकेको बताइन्छ ।

सरुवा निर्णय अनुसार धनुषा जिल्ला अदालतका न्यायाधीश राजुकुमार खतिवडालाई काठमाडौं जिल्ला अदालतमा सरुवा गरिएको छ भने काठमाडौं जिल्ला अदालतका न्यायाधीश ब्रजेश प्याकुरेल धनुषा जिल्ला अदालतमा सरुवा भएका छन् ।

प्याकुरेल धनुषा र खतिवडा काठमाडौंमा काजमा कार्यरत थिए ।