ओखलढुङ्गा । यौन दुर्व्यवहारको आरोपमा ओखलढुंगाका एक वडाध्यक्ष पक्राउ परेका छन् । स्थानीय एक महिलालाई यौन दुर्व्यवहार गरेको आरोपमा ओखलढुङ्गाको मानेभञ्ज्याङ गाउँपालिका- ३ का वडाध्यक्ष मेडल राईलाई प्रहरीले पक्राउ गरेको हो ।

मादक पदार्थ सेवन गरेर आफूलाई यौन दुर्व्यवहार गरेको भन्दै महिलाले दिएको लिखित उजुरीका आधारमा पक्राउ गरिएको जिल्ला प्रहरी प्रमुख रूपेश खड्काले जानकारी दिए ।

घटना अनुसन्धानमै रहेकाले थप बताउन नमिल्ने प्रहरीको भनाइ छ । अध्यक्ष राईले चार दिनअघि मादक पदार्थ सेवन गरेर महिलाकै घरैमा गई यौन दुर्व्यवहार गरेको पीडित महिलाको आरोप छ ।

घटना स्थानीयस्तरमा मिलाउने प्रयास गरिए पनि पीडित महिला प्रहरीमा पुगेपछि प्रहरीले वडाध्यक्षलाई पक्राउ गरेको छ । राति महिला सुतेकै ठाउँमा गएर वडाध्यक्ष राईले करणी प्रयास गरेको पीडित पक्षको आरोप छ ।