काठमाडौं । २२ वर्षीया युवतीलाई बलात्कारपछि विष खुवाएर हत्या गरेकाे आरोपमा एक जना पक्राउ परेका छन् ।

पक्राउ पर्नेमा मोरङ ग्रामथान गाउँपालिका–१ लखनतरी बस्ने ३० वर्षीय बिकास कुमार खाँ रहेका प्रहरीले जनाएकाे छ ।

२०७६ फागुन २२ गते ईटहरी उममहानगरपालिका–२ तालतलैया पार्कको जंगलमा ती महिलालाई बिवाह गर्छु भनी ललाई फकाई जवरजस्ती करणी गरी बिषादी खुवाएका थिए ।

इलाका प्रहरी कार्यालय ईटहरीको सक्रियता र जिल्ला प्रहरी कार्यालय मोरङको सहयोगमा अभियुक्त खाँलाई गत शनिबार गाउँघरबाट पक्राउ गरेको हो ।

जिल्ला अदालत सुनसरीबाट म्याद थप गरी आवश्यक अनुसन्धान भइरहेको जिल्ला प्रहरी कार्यालय सुनसरीले जनाएको छ ।