उदयपुर । काठकाे चोरी तस्करी गरेकाे आरोपमा ३ जना पक्राउ परेका छन् ।

बेलका नगरपालिका–९ काे माछापुच्छ्रे सामुदायिक बनमा अवैध रुपमा काठ काट्दै गर्दा पक्राउ परेका ३ युवकलाई बिहीबार डिभिजन वन कार्यालय गाईघाटमा बुझाइएको प्रहरीले जनाएकाे छ ।

इलाका प्रहरी कार्यालय रामपुरठोक्सीलाबाट खटिएको प्रहरी टोलीले बेलका–४ गुरुङचौरीका ३५ वर्षीय अर्जुन राई, बेलका–९ कमलाबारीका ३० वर्षीय दीपेन्द्र राई र २२ वर्षीय राकेश राई पक्राउ गरेको प्रहरी उपरीक्षक भिमबहादुर दाहालले बताए ।

पक्राउ परेका युवकलाई प्रहरीले डिभिजन वन कार्यालयमा बुझाएको सूचना अधिकारी सहायक वन अधिकृत जागेश्वर साहले बताए ।