मुख्यमन्त्री राई र बालिका खड्काबीच कुनै सम्बन्ध नरहेकाे अदालतकाे ठहर::Best Online News Portal of Nepal

मुख्यमन्त्री राई र बालिका खड्काबीच कुनै सम्बन्ध नरहेकाे अदालतकाे ठहर

मुख्यमन्त्री राई र बालिका खड्काबीच कुनै सम्बन्ध नरहेकाे अदालतकाे ठहर

नाता प्रमाणित हुन नसक्ने भएपछि मुद्दा फिर्ता

अनलाइन नेपाल
  • बुधबार, भदौ ३१, २०७७

  • 2.2K
    SHARES

  • मुख्यमन्त्री राई र बालिका खड्काबीच कुनै सम्बन्ध नरहेकाे अदालतकाे ठहर

    काठमाडाैं । प्रदेश नम्बर-१ का मुख्यमन्त्री शेरधन राईलाई श्रीमान् दावी गर्दै आएकी बालिका खड्काले मुद्दा फिर्ता लिएकी छिन् ।

    मुख्यमन्त्री राई र आफू श्रीमान्-श्रीमती भएकाे दावी गर्दै विभिन्न मिडियामा अन्तर्वाता समेत दिएकी खड्का आफैले काठमाडौ जिल्ला अदालतमा पुगी मुद्दा फिर्ता लिएकी हुन् ।

    उनले मुख्यमन्त्री राईविरूद्ध जाहेरी दिएर विभिन्न मिडियामा अन्तर्वाता दिँदै श्रीमान् श्रीमतीकाे नाता कायम हुनुपर्ने दावी गर्दै आएकी थिइन् ।

    मुख्यमन्त्री राई र आफूबीच श्रीमान्-श्रीमतीकाे नाता प्रमाणित गर्न कुनै प्रमाण नभए पछि बालिकाले जिल्ला अदालत काठमाडाैंमा पुगेर मुद्दा फिर्ता लिएकी  हुन् ।

    मुद्दा फिर्ता गर्नका लागि खड्काले दिएकाे निबेदनमा अरुको दुरुत्साहनमा परी शेरधन राईकी श्रीमती भनी दाबी गरि अंश माग गरिएको उल्लेख गरिएकाे छ ।

    काठमाडाैं जिल्ला अदालतका जिल्ला न्यायाधीस राजुकुमार खतिवडाकाे इजलासमा भनिएकाे छ ‘ शेरधन राईसंग अंश माग गर्नका लागि श्रीमान-श्रीमतिको नाता कायम भएको वा हुन सक्ने म संग कुनै आधार प्रमाण नभएको र वास्तविक रुपमा हाम्रो त्यस्तो कुनै पनि सम्बन्ध नरहेको हुंदा यसरी नाता कायमै हुन नसक्ने भएपछि म आफूले लिएको अंश दावी साबित गर्न नसक्ने, प्रमाणित गर्न नसक्ने भएको हुंदा उक्त मुद्दा फिर्ता लिनको लागि मुलुकी देवानी कार्यविधी संहिता,२०७४ को दफा १९६ बमोजिम मुद्दा फिर्ता लिएकाे उल्लेख छ ।’

    अदालतमा पेस गरेकाे निबेदनमा खड्काले भनेकी छिन्, ‘ बास्तवमा मेरो र शेरधन राईकोबीचमा कुनै सम्बन्ध नरहेको, आफूसंग साबित गर्ने कुनै प्रमाण पनि नभएकोले गल्ती स्वीकार गरि निबेदन दिएकी हुँ ।’

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार