काठमाडौं । काठमाडौंको बल्खुस्थित तरकारी बजारमा प्याजमा कालाेबजारी गर्ने चारजना व्यापारीलाई प्रहरीले पक्राउ गरेको छ ।

आज बिहान मात्रै उद्योग वाणिज्य तथा आपूर्तिमन्त्री लेखराज भट्टसहितको टोलीले बल्खुलगायत विभिन्‍न तरकारी बजारको अनुगमन गरेको थियो ।

अनुगमनका क्रममा प्रतिकिलो ४८ रुपैयाँमा खरिद गरेको प्याज १२० रुपैयाँमा बेचेको पाइएपछि व्यापारीहरुलाई पक्राउ गरिएको प्रहरीले जनाएको छ ।

उनीहरुलाई महानगरीय प्रहरी वृत्त कालीमाटीमा राखिएको छ ।