काठमाडौं । अग्रज संगीतकार तथा गायक उदय सोताङ र मनिला साेताङकाे स्वरमा नयाँ गजल गीत ‘एउटा गजल तिम्रो लागि’ सार्वजनिक भएकाे छ ।

गीतकार सुरेश वाग्लेको शब्द तथा गायक साेताङकाे संगीत रहेकाे गीत विहीवार नेपाली वेबसाइट युट्युव च्यानलमार्फत सार्वजनिक भएकाे हाे ।

प्रेमिल शब्दले भरिएको गीतमा सोताङ दम्पतीको वास्तविक जीवनलाई प्रस्तुत गर्ने प्रयास गरिएको छ । गीतको भिडियोमा उदय र मनिलाको अभिनय देख्न सकिन्छ । सान थापाको निर्देशनमा तयार गीतको भिडियोलाई अर्जुन तिवारीले खिचेका हुन् ।