काठमाडौं । पछिल्लो २४ घन्टामा देशभर १०४१ जनामा कोरोना संक्रमण देखिएको छ ।

स्वास्थ्य मन्त्रालयद्वारा नियमित आयोजना गरिँदै आएको कोरोना अपडेटमा मन्त्रालयका प्रवक्ता डा. जागेश्वर गौतमले उक्त कुरा बताएका हुन् ।

गौतमका अनुसार पछिल्लो २४ घन्टामा देशभर १०४१ जनामा कोरोना संक्रमण देखिएसँगै हालसम्म ४५ हजार २ सय ७७ जनामा कोरोना संक्रमण देखिएको छ ।

देशभर सक्रिय संक्रमित संख्या १७ हजार ८ सय ७० रहेको जनाइएको छ । हालसम्म ७ लाख ५७ हजार ९ सय ६३ जनाको पीसीआर परिक्षण गरिएको स्वास्थ्य मन्त्रालयले जनाएको छ ।

गत २४ घन्टामा नेपालमा १५६६ डिस्चार्ज भएसँगै हालसम्म देशभर २७ हजार १ सय २७ जना कोरोना मुक्त भई डिस्चार्ज भएका छन् ।