काठमाडौं । नेपालमा कोरोना भाइरसकाे संक्रमणबाट एकैदिन १४ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेकाे संख्या २२१ पुगेको स्वास्थ्य तथा जनसंख्या मन्त्रालयले जनाएकाे छ ।

नियमित मिडिया ब्रिफिङमा मन्त्रालयका प्रवक्ता डा. जागेश्वर गौतमले १० जना पुरुष र ४ जना महिला गरि १४ जनाकाे मृत्यु भएकाे जानकारी दिए ।

मृत्यु हुने महिलाहरुमा सुनसरीकी ७४ वर्षीय, बाराकी ४७ वर्षीया, महोत्तरीकी ६२ वर्षीया र काठमाडौंकी ७२ वर्षीया गरी ४ जना महिलाहरु रहेका छन् ।

त्यस्तै मृत्यु हुने पुरुषहरुमा सुनसरीको ६० वर्षीय, मोरङको ६२ वर्षीय, महोत्तरीको ७० र ३५ वर्षीय गरी २ जना रहेका छन् । त्यस्तै रौतहटको ३० वर्षीय, ललितपुरको २९ वर्षीय, भक्तपुरको ६५ वर्षीय, नवलपरासीको ६२ र रुपन्देहीको ५७ र ६७ वर्षीय पुरुषको कोरोनाको कारण निधन भएको प्रवक्ता डा गौतमले जानकारी दिए ।