काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८८४ जनामा कोरोना भाइरस  संक्रमण पुष्टि भएको छ। जसमध्ये २४२ महिला र ६४२ पुरुष गरेर रहेका छन् ।

मन्त्रालयका प्रवक्ता डा. जागेश्वर गौतमका अनुसार १० हजार ९७१ जनाको पीसीआर परीक्षण गर्दा ८८४ जनामा कोरोना पुष्टि भएको हो।

गौतमका अनुसार २४ घण्टामा ३१३ जना डिस्चार्ज भएका छन्।  कोरोना जित्नेको संख्या भने २० हजार ५५५ पुगेको छ।

नेपालमा पीसीआर परीक्षणको कुल संख्या ६ लाख ६९ हजार ६३६ पुगेको पनि डा.गौतमले वताए ।