मुम्बइ। एजेन्सी। बलिउडका अभिनेता सुशान्त सिंह राजपुतको आत्महत्या प्रकरणमा सीबीआईको अनुसन्धान तीव्र गतिमा अगाडि बढिरहेको छ।सुशान्तको मृत्युको विषयमा जाँच गर्न गठित सीबीआइ टिमका अधिकारीहरुले रिया चक्रवर्तीसँग सोधपुछ गरेका छन् ।

शुक्रबार पहिलो दिन नै रियाले सीबीआइ टिमसँग आफ्नो उत्पीडन गरिएको बताएकी थिइन् । यसको जवाफमा सीबीआइ अधिकारीले पनि उनलाई उत्पीडन नै गर्ने चाहना भएको भए सोधपुछको लागि पनि उनलाई पटना बोलाइने बताएका थिए ।

भारतीय मिडियाका अनुसार सीबीआइले रियासँग शुक्रबार करिब १० घण्टा सोधपुछ गरेको थियो । सोधपुछको क्रममा रियाले आफूलाई उत्पीडित गरिएको बताएकी थिइन् । शनिबार पनि सीबीआईले रियालाई यस विषयमा सोधपुछ गर्ने छ।