काठमाडौं । नेपालमा थप ३१३ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या १९ हजार ११९ पुगेकाे स्वास्थ्य तथा जनसंख्या मन्त्रालयले जनाएकाे छ ।

नियमित प्रेस ब्रिफिङमा मन्त्रालयका प्रवक्ता प्रा.डा.जागेश्वर गौतमले कुल संक्रमित मध्ये ५७ प्रतिशत संक्रमित संक्रमण मुक्त भई डिस्चार्ज भएका जानकारी दिए ।

यस्तै नेपालमा आज थप ८५५ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या ३३ हजार ५३३ पुगेको छ । काठमाडाैं उपत्यकामा मात्रै २३२ जना काेराेना संक्रमित थपिएका मन्त्रालयले जनाएकाे छ ।