काठमाडौं । नेपालमा पछिल्लाे २४ घण्टामा थप १७५ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको संख्या १८ हजार ८०६ पुगेकाे स्वास्थ्य तथा जनसंख्या मन्त्रालयले जनाएकाे छ ।

कुल संक्रमित मध्ये ५८ प्रतिशत संक्रमित कोरोना संक्रमण मुक्त भई अस्पतालबाट डिस्चार्ज भएका नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले जानकारी दिए ।

मन्त्रालयका अनुसार प्रदेश १ मा १२८३ जना, प्रदेश २ मा ४२४३ जना, वाग्मती प्रदेश ७७५ जना, गण्डकी प्रदेशमा १६१७ जना, प्रदेश ५ मा ४२२६ जना, कर्णाली प्रदेशमा १९८२ जना र सुदूरपश्चिम प्रदेशमा ४३८० जना काेराेना संक्रमण मुक्त बनेका छन् ।